POLYCANDELUM

POLYCANDELUM

Graece πολυκάνδηλον, vox hybrida, candelabrum est multis luminibus instructum. Anastasius in Leone. III. Obtulit Polycandelum porphyreticum, pendentem in pergula. ante confessionem, in catenulis aureis. Ubi vel Polycundelum, a masculino Polycandelus est, vel pendentem in pendens mutandum. Acta S. Eliae Iunioris, p. 199. Καὶ ἔβλεπον ὅτι ἐκρέμαςαν οἱ χριςτιανοὶ πολυκάνδηλον μέγα ἄνωθεν τῆς κεφαλῆς τοῦ ἐςταυρωμένου ἔζαπτον, Et videbant, Christianos Polycandelum ingens supra caput crucisixi suspendisse etc. Anonymus de locis SS. p. 83. καὶ κρέμεται πολυκάνδηλον, et pendet polycandelum. Car. du Fresne Glossar. et in Descr. Aedis Sophianae, ubi docet num. 48. graecis recentioribus vocem hanc originem suam debere. Istiusmodi Polycandelorum celebre in primis est candelabrum Basilicae Vaticanae, in forma crucis, ab Adriano Papa oblatum, in quo 1370. candelae ponebantur, quodque is iusserat quatuor in anno vicibus accendi, in festivitatibus Nativitatis Domini, Paschae, Apostolorum Petri et Pauli, atque in die anniversaria electionis suae, Baron. ad A. C. 795. et Anastasius in eodem, apud Dominic. Macrum Hierolex.